काठमाडौं । काठमाडौंका विभिन्न स्थानहरूमा शनिबार पाँच देखि साढे ६ देखि ७ घण्टा सम्म विद्युत अवरूद्ध हुने भएको छ । नेपाल विद्युत प्राधिकरणले रत्नपार्क वितरणको केन्द्रको न्यूरोड फिडर, महाबौद्ध फिडर र कालीमाटी फिडर अन्तर्गतका विभिन्न स्थानहरूमा बिहान देखि अपराह्न सम्म विद्युत् अवरुद्ध हुने जनाएको छ ।
.gif)
न्युरोड फिडर अन्तर्गत पर्ने संकटा, न्युरोड गेट, पिपल बोट, गोरखा पत्र संस्थान, भूगोल पार्क, दमकल गेट, वसन्तपुर डवली, झोसे, ओमबहाल, हनुमानढोका लगायतका क्षेत्रमा बिहान साढे आठ बजे देखि दिउँसो ३ बजेसम्म विद्युत अवरुद्ध हुनेछ ।
त्यस्तै महाबौध्द फिडर अन्तर्गत पर्ने महाबौद्ध सबस्टेशन भित्र, न्युरोड गेट, रन्जना हल, विशालबजार सव स्टेशन भित्र, विशाल बजार अगाडि, गणेश स्थान ट्रमा हस्पिटल पछाडी केबुल हेडसम्म बिहान साढे ८ बजेदेखि दिउँसो ३ बजे सम्म विद्युत् अवरूद्ध हुनेछ ।
कालीमाटी फिडर अन्तर्गत पर्ने टेकु नेशनल ट्रेडिङ्ग हुदैं हनुमन्त भिमसेन स्थान, परोपकार, रामघाट, शान्ति निकेतन स्कुल, मरुहिटी, ढोकाटोल, नरदेवी हस्पिटल अगाडि, टंगाल, भुरुङ्ग खेल क्षेत्रमा पनि बिहान ८ बजेदेखि दिउँसो २ बजे सम्म विद्युत प्राधिकरणले जनाएको छ ।
ती क्षेत्रहरूमा बांगो पोल सिधा गर्ने र जीर्ण भएका पोल तथा ट्रान्सफर्मर बदली गर्नका लागि फिडर सटडाउनमा राखिने प्राधिकरणले जनाएको छ ।
