मनाङ। मनाङ र मनाङको नार्पा भूमि गाउँपालिका क्षेत्रभित्र पर्ने प्रमुख पर्यटकीय गन्तव्य नारफू ट्रेलका अधिकांश सडक तथा पदमार्गहरू पुनः सञ्चालनमा आएका छन् ।गत असोज ९ गतेदेखि ११ गतेसम्म परेको अविरल वर्षा र भारी हिमपातका कारण अवरुद्ध भएका पदमार्गहरू आजका दिनदेखि सहज रूपमा आवतजावतका लागि पूर्ण रूपमा सुचारु भएका हुन्।
.gif)
गाउँपालिकाका अध्यक्ष कोन्जो तेन्जिङ लामाका अनुसार कोतो–रातोभिर, छ्याछ्या–मेता, मेता–महेन्द्रपुल–च्याँखु, क्याङ–फू, फू गाउँ–हिमलुङ बेसक्याम्प र मेता–नार खण्ड पूर्ण रूपमा सञ्चालनमा आइसकेका छन्। आंशिक रूपमा अवरुद्ध रहेको नार–काङलापास खण्ड भने आगामी २३ दिनभित्रै सञ्चालनमा ल्याइने गाउँपालिकाले जनाएको छ।
