काठमाडौं । नबिल बैंक लिमिटेडले शेयरधनीलाई दिन लाभांश घोषणा गरेको छ ।
.gif)
बैंकको कात्तिक १३ गते बसेको सञ्चालक समितिको बैठकले गत आर्थिक वर्षको सञ्चित मुनाफाबाट शेयरधनीलाई करसहित १० प्रतिशत नगद लाभांश दिने निर्णय गरेको हो ।
बैंकका शेयरधनीले प्रतिकित्ता १० रुपियाँका दरले नगद लाभांश पाउने छन् । यो लाभांश आगामी साधारणसभाबाट पारित भएपछि लगानीकर्तालाई प्रदान गरिने बैंकले जनाएको छ ।
बैंकले घोषणा गरेको यो लाभांश हालसम्मकै कम हो । बैंकले गत वर्ष ११ प्रतिशत नगद लाभांश दिएको थियो भने अघिल्लो वर्ष ११.५ प्रतिशत नगद र १८.५० प्रतिशत बोनससहित कुल ३० प्रतिशत लाभांश दिएको थियो ।
