काठमाडौँ । भारत सरकारले सुन आयातमा भन्सार शुल्क बढाएपछि अब शुल्कमुक्त सुन आयातसम्बन्धी नियम पनि कडा बनाएको छ ।विदेश व्यापार महानिर्देशनालयले सुनकागहना निर्यातकर्ताका लागि नयाँ निर्देशिका जारी गर्दै आयात र निगरानीसम्बन्धी धेरै नियम परिवर्तन गरेको हो ।नयाँ व्यवस्थाअनुसार अब एक इजाजतपत्रमार्फत अधिकतम १०० किलोग्राम सुन मात्रै आयात गर्न पाइनेछ । यसअघि यस्तो सीमासम्बन्धी व्यवस्था तुलनात्मक रूपमा खुकुलो मानिन्थ्यो ।
.gif)
महानिर्देशनालयले नयाँ आवेदकका लागि कारखाना र सुविधा केन्द्रको अनिवार्य निरीक्षण गरिने जनाएको छ । शुल्कमुक्त रूपमा आयात गरिएको सुन तोकिएको निर्यात गतिविधिमै प्रयोग भएको सुनिश्चित गर्न यस्तो व्यवस्था गरिएको बताइएको छ ।हाल सञ्चालनमा रहेका निर्यातकर्तामाथि पनि नयाँ सर्त लागू गरिएको छ । नयाँ अनुमति लिन उनीहरूले आफ्नो अघिल्लो निर्यात दायित्वको कम्तीमा ५० प्रतिशत पूरा गरेको हुनुपर्नेछ । यसको अर्थ यसअघि तोकिएको निर्यात लक्ष्य पूरा नगरेका कम्पनीलाई नयाँ स्वीकृति लिन कठिन हुन सक्ने देखिएको छ ।
त्यसैगरी अब निर्यातकर्ताले प्रत्येक १५ दिनमा विवरण प्रतिवेदन बुझाउनुपर्नेछ । सरकारले यसबाट निगरानी प्रणाली थप कडा हुने र आयात गरिएको सुनको प्रयोगमाथि नजिकबाट निगरानी गर्न सकिने जनाएको छ ।विशेषज्ञहरूले सरकारको ध्यान सुन आयात नियन्त्रण र नियम कार्यान्वयनलाई थप बलियो बनाउनेतर्फ केन्द्रित रहेको बताएका छन् । पछिल्ला महिनामा सुन आयात र व्यापार घाटाबारे चिन्ता बढ्दै गएको छ ।यसअघि भारतले सुन र चाँदीमा लाग्ने आयात शुल्क ६ प्रतिशतबाट बढाएर १५ प्रतिशत पुर्याएको थियो ।
