काठमाडौँ । चिनियाँ अटो निर्माता डोङफेङले दक्षिण अफ्रिकामा आफ्नो नयाँ इलेक्ट्रिक एसयूभी ‘नामी ०६ ई१’ सार्वजनिक गरेको छ। यो गाडी दक्षिण अफ्रिकी बजारमा भित्रिएको अहिलेसम्मकै सबैभन्दा सस्तो पूर्ण इलेक्ट्रिक एसयूभी (ईभी) बनेको छ। केही अन्तर्राष्ट्रिय बजारमा ‘नामी भिगो’ नामले समेत चिनिने यो मोडल दक्षिण अफ्रिकामा ५ लाख र्यान्डभन्दा कम मूल्यमा उपलब्ध हुनेछ।यो एसयूभी दुईवटा भेरियन्टमा बजारमा आएको छ। यसको सुरुवाती मूल्य ४ लाख ९९ हजार र्यान्ड तोकिएको छ, जुन यसअघिको सस्तो ईभी एसयूभी जिली ई५/ईएक्स५ भन्दा करिब २ लाख र्यान्ड कम हो। गाडीमा १२० किलोवाट क्षमताको फ्रन्ट-माउन्टेड मोटर र २३० न्युटन मिटर टर्क रहेको छ। यसले गाडीलाई शून्यदेखि १०० किलोमिटर प्रतिघण्टाको गति लिन केवल ७.८ सेकेन्ड मात्र लगाउँछ।
.gif)
ब्याट्री र रेन्जको कुरा गर्दा, यसको आधारभूत मोडलमा ४४.९४ किलोवाट प्रतिघण्टा क्षमताको ब्याट्री दिइएको छ, जसले एक पटकको फुल चार्जमा विश्वव्यापी मापदण्ड अनुसार करिब ३०० किलोमिटरको रेन्ज दिन्छ। यसैगरी, उच्च स्पेसिफिकेसन भएको ‘ई३’ मोडलको मूल्य ५ लाख ७९ हजार र्यान्ड रहेको छ। यसमा ५१.८७ किलोवाट प्रतिघण्टाको ठूलो ब्याट्री छ, जसले ३५० किलोमिटरसम्मको रेन्ज उपलब्ध गराउँछ। यसमा डीसी फास्ट चार्जिङको सुविधा समेत छ, जसले करिब १८ देखि ३० मिनेटमै ब्याट्रीलाई ८० प्रतिशतसम्म चार्ज गर्न सक्छ।सुविधाहरूका हिसाबले यो एसयूभी निकै सुसज्जित छ। यसमा १२.८ इन्चको इन्फोटेन्मेन्ट डिस्प्ले, ५० वाटको वायरलेस चार्जर, ६ वटा एयरब्याग, रियर-भ्यु क्यामेरा र अटोमेटिक एयर कन्डिसनिङ जस्ता फिचरहरू रहेका छन्। यो गाडी कालो, सेतो, सिल्भर, सुन्तला र हरियो गरी पाँचवटा रङमा उपलब्ध छ। ५०० लिटरको बुट स्पेसले यसलाई पारिवारिक यात्राका लागि समेत उपयुक्त बनाएको छ।
