काठमाडौँ । नेपालीको लगभग हरेक भान्सामा बेसार प्रयोग गरिन्छ । खानाको स्वाद र रङ्ग बढाउन मात्र नभई औषधीय गुणहरूको लागि पनि बेसार धेरै महत्त्वपूर्ण छ । बेसारलाई प्राकृतिक तत्व र रोग प्रतिरोधात्मक क्षमता बढाउने मसला मानिन्छ । यद्यपि, बजारमा मिसावटयुक्त बेसार पनि पाइन्छ । यस्ता बेसार उपभोगको लागि असुरक्षित हुन्छन् ।मिसावटयुक्त बेसार लामो समयसम्म सेवन गर्नाले पेटको समस्या, एलर्जी, कलेजोमा क्षति र अन्य स्वास्थ्य समस्याहरू हुन सक्छन् । त्यसोभए, वास्तविक र नक्कली बेसार कसरी छुट्यउने ? आजको यस लेखमा हामी यसैबारे कुराकानी गर्नेछौं ।
.gif)
- वास्तविक र नक्कली बेसार कसरी छुट्टाउने ?
पानीमा परीक्षण:
एक गिलास पानीमा एक चम्चा बेसार राख्नुहोस् । यदि बेसार तल गएर बस्यो र पानी सफा रह्यो भने, यो सम्भवतः शुद्ध बेसार हो । यद्यपि, यदि पानी तुरुन्तै गाढा पहेँलो भयो भने, यो कृत्रिम रंगको कारणले हुन सक्छ ।
हत्केलामा रगड्ने:
थोरै मात्रामा बेसार लिनुहोस् अनि आफ्नो हत्केलामा रगड्नुहोस् । वास्तविक बेसारमा प्राकृतिक, माटोजस्तै सुगन्ध हुन्छ, जबकि नक्कली बेसारमा कडा, अनौठो र रासायनिक जस्तो गन्ध हुन सक्छ ।
आयोडिन परीक्षण:
बेसारमा स्टार्च मिसावट जाँच गर्न, आयोडिनको केही थोपा थप्नुहोस् । यदि रङ्ग नीलो वा कालो भयो भने, स्टार्च थपिएको छ भनेर बुझ्नुस् ।
कपडामा दाग परीक्षण:
सेतो कपडामा थोरै मात्रामा बेसार लगाउनुहोस् । वास्तविक बेसारले हल्का दाग छोड्न सक्छ, जबकि नक्कली बेसारमा थपिएको कृत्रिम रंगले कपडामा गाढा दाग छोड्न सक्छ ।
बेसारको सिम्टा किन्नुहोस्:
पिसेको बेसारको सट्टा सम्पूर्ण बेसारको डल्लो किन्न सुरक्षित मानिन्छ । घरमा पिस्दा मिसावटको जोखिम कम हुन्छ । त्यसैले सकेसम्म काँचो बेसार किनेर घरमै काटेर सुकाउनुहोस् र पिस्नु होस् । होइन भने पनि बेसारको सिम्टा किनेर पिस्न सकिन्छ ।
