पोखरा, २१ वैशाख । पोखरास्थित भाटभटेनी सुपर स्टोर आजदेखि पुनः सञ्चालनमा आएको छ। लामो समयको अन्तरालपछि स्टोरले पुनः नियमित व्यापारिक सेवा सुरु गरेको हो।
.gif)
स्टोर व्यवस्थापनका अनुसार अब भाटभटेनी दैनिक बिहान १० बजेदेखि सञ्चालन हुनेछ र ग्राहकहरूलाई निरन्तर सेवा प्रदान गरिनेछ। आधुनिक सुविधा र गुणस्तरीय सेवामार्फत ग्राहकको किनमेल अनुभवलाई सहज र व्यवस्थित बनाउने लक्ष्य राखिएको कम्पनीले जनाएको छ।
स्टोर सञ्चालन अधिकृतका अनुसार पुनः सञ्चालनसँगै ग्राहकहरूलाई थप सहज, सुरक्षित र व्यवस्थित किनमेल वातावरण प्रदान गरिनेछ।
यस अवसरमा व्यवस्थापनले ग्राहक, शुभेच्छुक तथा सरोकारवाला सबैप्रति आभार व्यक्त गर्दै आगामी दिनमा अझ उत्कृष्ट सेवा दिने प्रतिबद्धता जनाएको छ।
