काठमाडौं । नेपाल उद्योग वाणिज्य महासंघ (नेउवा) को स्थगित वार्षिक साधारण सभा तथा निर्वाचन अब आगामी वैशाख २१ र २२ गते सञ्चालन हुने भएको छ।
.gif)
शुक्रबार बसेको महासंघको पदाधिकारी समिति बैठकले उक्त मिति तय गरेको हो। यसअघि २०८२ चैत २९ र ३० गतेका लागि निर्धारित सभा तथा निर्वाचन उच्च अदालत पाटन को अन्तरिम आदेशपछि स्थगित गरिएको थियो।
स्थगनपछि बसेको पदाधिकारी बैठकले नयाँ मिति निर्धारण गर्दै प्रक्रिया अगाडि बढाउने निर्णय गरेको हो। साथै, बैठकले कार्यकारिणी समितिको बैठक २०८३ वैशाख ९ गते बस्ने निर्णयसमेत गरेको जनाएको छ।
