काठमाडौं । आइतबार ७१.०५ अंकको पहिरो गएको सेयर बजारमा सोमबार पनि उच्च गिरावट आएको छ । साताको कारोबारको दोस्रो दिन सोमबार सेयर बजार परिसूचक नेपाल स्टक एक्सचेञ्ज (नेप्से) ४७.७१ अंकले घटेर २८३१.३९ बिन्दुमा कायम भएको छ ।अघिल्लो कारोबार दिन आइतबार पनि नेप्से ७१.०५ अंकले घटेर २८७९.११ बिन्दुमा कायम भएको थियो । सोमबार सूचकसँगै कारोबार रकम पनि घटेको छ । आज नेप्सेमा कुल १२ अर्ब ९६ करोड रुपैयाँ बराबरको कारोबार भएको छ ।
.gif)
अघिल्लो कारोबार दिन आइतबार भने नेप्सेमा कुल १४ अर्ब ७८ करोड माथिको कारोबार भएको थियो ।सोमबार कारोबारमा आएकामध्ये २६ कम्पनीको सेयर मूल्य बढ्दा २३७ कम्पनीको घटेको छ । यस्तै, पाँच कम्पनीको सेयर मूल्य स्थिर छ ।आज रिलायन्स स्पिनिङ मिल्स, भुजुङ हाइड्रोपावर, सुपर खुदी हाइड्रोपावर, रिज लाइन इनर्जी र होटल फरेस्ट इन लिमिटेडेको सेयर मूल्यमा सकारात्मक सर्किट लाग्दा सुर्यकुण्ड हाइड्रो इलेक्ट्रिकको सेयर मूल्य ९.९८ प्रतिशत र सप्तकोशी डेभलपमेन्ट बैंकको सेयर मूल्य९.९८ प्रतिशतले बढेको छ । सामेबार १३ वटै उपसमूहको सेयर मूल्य घटेको छ ।
