काठमाडौँ । साताको तेस्रो कारोबार दिन मंगलबार नेपाली बजारमा सुनको मूल्यमा ठूलो गिरावट आएको छ। नेपाल सुन–चाँदी व्यवसायी महासंघका अनुसार आज सुनको मूल्य प्रतितोला ७ हजार ९०० रुपैयाँले घटेर २ लाख ६२ हजार १०० रुपैयाँमा झरेको छ।
.gif)
यसअघि सोमबार सुनको मूल्य प्रतितोला ६०० रुपैयाँले घटेर २ लाख ७० हजार रुपैयाँ कायम भएको थियो।
यस्तै, चाँदीको मूल्यमा पनि गिरावट देखिएको छ। आज चाँदीको भाउ प्रतितोला ३०५ रुपैयाँले घटेर ४ हजार ५९० रुपैयाँमा कारोबार भएको महासंघले जनाएको छ। अघिल्लो दिन चाँदी प्रतितोला ४ हजार ८९५ रुपैयाँमा कारोबार भएको थियो।
अन्तर्राष्ट्रिय बजारको उतारचढाव र माग–आपूर्तिको अवस्थाका कारण सुनचाँदीको मूल्यमा लगातार परिवर्तन भइरहेको व्यवसायीहरू बताउँछन्।
