काठमाडौं । एनआइसी एसिया क्यापिटलको व्यवस्थापनमा सञ्चालित ४ वटा म्युचुअल फन्डको लाभांश सुरक्षित गर्ने आज भदौ २७ गते बिहीबार अन्तिम दिन हो ।
.gif)
यसदिन एनआइसी एसिया सेलेक्ट ३०, एनआइसी एसिया फ्लेक्सी क्याप फन्ड, एनआइसी एसिया ग्रोथ फन्ड र एनआइसी एसिया ब्यालेन्स्ड फन्डको लाभांश सुरक्षित गर्ने अन्तिम दिन हो । यी फन्डहरुले नगद लाभांश वितरण गर्न भदौ २८ गते बुक क्लोज गर्दैछन् । यसर्थ, आज भदौ २७ गतेसम्म कायम रहने इकाईले मात्र लाभांश दाबी गर्न पाउनेछन् ।
एनआइसी एसिया सेलेक्ट ३० का इकाइधनीहरुलाई गत वर्षको नाफाबाट करसहित १४ प्रतिशत, फ्लेक्सी क्याप फन्डको करसहित १०.५० प्रतिशत, ग्रोथ फन्डको करसहित ९.५० प्रतिशत र ब्यालेन्स्ड फन्डको करसहित ९.२५ प्रतिशत प्रतिफल वितरण गर्न लागेको हो ।
