नाडेप लघुवित्त वित्तीय संस्था लिमिटेडले चालू आर्थिक वर्षको पहिलो तीन महिनामा उल्लेखनीय सुधार गर्दै ५७ लाख ६८ हजार रुपैयाँ खुद नाफा आर्जन गरेको छ। अघिल्लो आर्थिक वर्षको सोही अवधिमा संस्थाले ४ करोड ९७ लाख २४ हजार रुपैयाँ घाटा व्यहोरेको अवस्थासँग तुलना गर्दा यस वर्षको प्रगति उल्लेखनीय देखिएको छ।
.gif)
आम्दानीमा वृद्धि, सञ्चालन नाफामा सुधार
चालू आवमा संस्थाको कुल आम्दानी तथा सञ्चालन नाफामा आएको वृद्धिले नै नाफा बढ्न सहायक बनेको छ। अघिल्लो आवको असोज मसान्तसम्म ५ करोड ८३ लाख ९५ हजार रुपैयाँ खुद ब्याज आम्दानी रहेकोमा चालू आवमा यो रकम बढेर ९ करोड ६ लाख ८६ हजार रुपैयाँ पुगेको छ।सञ्चालन नाफाका सूचकहरूमा पनि सुधार देखिएको छ। गत वर्षको पहिलो तीन महिनामा ५ करोड २ लाख ३६ हजार रुपैयाँ सञ्चालन घाटामा रहेको लघुवित्तले चालू आवको समान अवधिमा ८२ लाख ४० हजार रुपैयाँ सञ्चालन नाफा कमाउन सफल भएको छ।
खर्च घट्यो, आम्दानी बलियो
कुल सञ्चालन आम्दानी ६ करोड ९० लाख १६ हजार रुपैयाँबाट बढेर १० करोड १४ लाख ६० हजार रुपैयाँ पुगेको छ। यस्तै सञ्चालन खर्च अघिल्लो आवको ९ करोड १ लाख ६५ हजार रुपैयाँबाट घटेर चालू आवमा ७ करोड ९८ लाख ७६ हजार रुपैयाँमा झरेको छ।
EPS ऋणात्मकबाट धनात्मकमा सुधार
गत आवको असोज मसान्तसम्म ऋणात्मक अवस्थामा रहेको प्रतिशेयर आम्दानी (ईपीएस) १०.२४ रुपैयाँ नकारात्मक थियो। तर चालू आवको सोही अवधिमा ईपीएस ४.७५ रुपैयाँ धनात्मकमा आइपुगेको छ।यद्यपि सुधारको क्रममा पनि संस्थाको खराब कर्जा १०.५१ प्रतिशतबाट बढेर १५.७१ प्रतिशत पुगेको छ। प्रतिशेयर नेटवर्थ १५२.२४ रुपैयाँ रहेको संस्थाको वित्तीय सूचकमा केही उतार–चढाव देखिन्छ।
पुँजी, रिजर्भ र कर्जा–निक्षेप अवस्था
नाडेप लघुवित्तको चुक्ता पुँजी ४८ करोड ५७ लाख ५० हजार रुपैयाँ रहेको छ। रिजर्भ कोषमा ३५ करोड ११ लाख २५ हजार रुपैयाँ सञ्चिति छ भने जगेडा कोषमा ८ करोड ७६ लाख ६७ हजार रुपैयाँ ऋणात्मक अवस्था देखिन्छ।संस्थाले समीक्षा अवधिसम्म ५ अर्ब ६६ करोड २७ लाख रुपैयाँ कर्जा प्रवाह गरेको छ भने १ अर्ब ९४ करोड रुपैयाँ निक्षेप संकलन गरेको छ।
