काठमाडौं । राइटकार्ड पेमेन्ट सर्भिसेज लिमिटेड र डिजिटल भुक्तानी प्लेटफर्म ई-सेवा मनी ट्रान्सफरबीचको सम्झौता नेपाल राष्ट्र बैंकले अनुमोदन गरेसँगै दुवैलाई रेमिट्यान्सको क्षेत्रमा सहकार्य गर्न बाटो खुला भएको छ ।लेम्फीको रूपमा व्यापार गर्ने राइटकार्ड पेमेन्ट सर्भिसेज लिमिटेड र डिजिटल भुक्तानी प्लेटफर्म ई-सेवा मनी ट्रान्सफरबीचको समझदारीपछि उत्तरी अमेरिका र युरोप (बेलायतसहित) का नागरिकलाई कम लागतमा भरपर्दो र प्रतिस्पर्धी अन्तर्राष्ट्रिय भुक्तानी सेवाहरू प्रदान गर्न सक्षम बनाउने विश्वास लिइएको छ ।

योसँगै लेम्फीमार्फत नेपाल, अफ्रिका, एसिया, ल्याटिन अमेरिका, युरोपका देशहरूबाट नेपालमा रहेका आफन्तलाई पैसा पठाउन पाइने भएको छ । देशको आर्थिक समृद्धिमा रेमिट्यान्सले महत्त्वपूर्ण भूमिका खेल्दै आएको छ । एक विश्वसनीय वित्तीय सेवा प्रदायकसँगको यो साझेदारीले सेवाग्राही लाभान्वित हुने विश्वास लिइएको छ ।‘नेपाली आप्रवासीहरूलाई गुणस्तरीय सेवा प्रदान गर्ने उद्देश्यसाथ जुटेको यो समझदारीलाई नेपालको केन्द्रीय बैंकले स्वीकृति प्रदान गरेकोमा हामी खुसी छौँ, लेम्फीका दक्षिण एसिया प्रमुख मुहम्मद दैयान आलमले भने, ‘नेपाल दक्षिण एसियामा धेरै रेमिट्यान्स प्रवाह गर्ने राष्ट्रमध्ये अग्रपंक्तिमा पर्छ । हामी ग्राहकहरू र उनीहरूका लाभग्राहीहरूलाई पहुँचयोग्य र निष्पक्ष वित्तीय सेवाहरू प्रदान गर्ने हरेक अवसरलाई स्वागत गर्दछौँ ।’

लेम्फीका अनुसार ग्राहकहरूले लेम्फी एपमै लगइन गरेर यो सुविधा प्राप्त गर्नेछन् । यसलाई कम्पनीले विश्वभरका आप्रवासी समुदायको लागि पूर्ण वित्तीय इकोसिस्टम निर्माण गर्ने उद्देश्यको विस्तारमा महत्त्वपूर्ण कदम भएको जनाएको छ ।बेलायतमा पहिलो पटक यस्तो सेवा सुरु गरिएको जनाउँदै कम्पनीले यसबाट २० लाख बढी ग्राहकले मासिक बचतमा दैनिक ब्याज आर्जन गर्ने जनाएको छ । योसँगै बेलायतमा बसोबास गर्ने आप्रवासीले समेत लेम्फीको नयाँ सेवाबाट लाभ लिन सक्नेछन् ।

लेम्पीका सह-संस्थापक रियान कोचरानले भने, “हाम्रा धेरै प्रयोगकर्ताहरूले पहिले नै बचत गर्ने बानी प्रदर्शन गरिसकेका छन् । उनीहरूलाई नयाँ देशमा आत्मविश्वास र सुरक्षित रूपमा यो गर्नलाई विश्वसनीय माध्यम चाहिन्छ । लेम्फीमा बचत इम्बेड गरेर, हामी हाम्रा ग्राहकहरूलाई परिवार र साथीहरूलाई पैसा पठाउन मात्र होइन, उनीहरूको नयाँ ठाउँहरूमा स्थिरता निर्माण गर्न पनि मद्दत गरिरहेका छौँ।”क्लियरबैंकका प्रमुख ग्राहक अधिकारी जोन साल्टरले भने- “लेम्फीसँग एम्बेडेड बचत खाताको परिचयले हाम्रो साझेदारीमा एक रोमाञ्चक नयाँ अध्यायको सुरुवात भएको छ । क्लियर बैंकको सुरक्षित पूर्वाधारलाई लेम्फीका ग्राहकको आवश्यकता अनुरूप संयोजन गरेर, हामी पहुँचयोग्य, पारदर्शी र दैनिक प्रयोगको लागि निर्मित वित्तीय समाधानहरू प्रदान गर्दैछौं, जसले गर्दा धेरै मानिसहरूलाई वित्तीय प्रणालीमा पूर्ण रूपमा भाग लिन सक्षम बनाइन्छ।”