काठमाडौँ । असोज २८, नेपाल पञ्चाङ्ग निर्णायक विकास समितिले यस वर्षको भाइटीकाको उत्तम साइत सार्वजनिक गरेको छ। समितिका अध्यक्ष प्रा.शम्भुप्रसाद ढकालका अनुसार भाइटीका कात्तिक ६ गते बिहीबार बिहान ११ः३९ बजे लगाउन उत्तम साइत मानिएको छ।
.gif)
ढकालले जनाए अनुसार यमपञ्चकको आरम्भ कात्तिक १ गते शनिबारबाट हुने छ। सो दिनदेखि यमदीप दान सुरु गरिनेछ भने धन त्रयोदशी तथा धनतेरस पर्व पनि यही दिन मनाइनेछ।
कात्तिक २ गते आइतबार काग तिहार तथा धनवन्तरी जयन्ती परेको छ। कात्तिक ३ गते सोमबार बिहान नरक चतुर्दशी स्नानसहित कुकुर तिहार र बेलुकी लक्ष्मी पूजा मनाइनेछ। उक्त दिन दिउँसो २ः५२ बजेसम्म कात्तिक कृष्ण चतुर्दशी रहनेछ र त्यसपछि औंशी तिथि लाग्ने भएकाले पर्वहरू सोही अनुसार तोकिएको समितिले जनाएको छ।
औंशी तिथिमा गरिने स्नान र दान भने कात्तिक ४ गते मंगलबार बिहान सम्पन्न गर्नुपर्ने समितिको भनाइ छ। औंशी तिथि सो दिन दिउँसो ४ः२९ बजेसम्म रहनेछ।
शास्त्रीय विधिअनुसार भाइटीका तथा नेवार समुदायमा मनाइने किजा पूजा कात्तिक ६ गते बिहीबार नै मनाइनेछ।
