काठमाडौँ । असोज २२, गत २४ भदौमा काठमाडौंको बानेश्वरस्थित राष्ट्रिय वाणिज्य बैंकमा भएको लुटपाट प्रकरणमा संलग्न रहेको आरोपमा दुई जना पक्राउ परेका छन्। पक्राउ परेका व्यक्तिहरूमा दोलखाका दीपक श्रेष्ठ र सिराहाका नरेश कुमार यादव छन्।
.gif)
काठमाडौं प्रहरी परिसरका प्रमुख एसएसपी रमेश थापाका अनुसार पक्राउ परेका यादवको साथबाट करिब चार लाख रुपैयाँ नगद र केही परिमाणमा सुनसमेत बरामद गरिएको छ।
२४ भदौमा भएको ‘जेनजी आन्दोलन’को समयमा देखिएको अव्यवस्थाको फाइदा उठाउँदै एक समूहले बैंकभित्र पसी करोडौं मूल्य बराबरको नगद तथा सुन लुटेको थियो। सोही घटनाको अनुसन्धानको क्रममा श्रेष्ठ र यादवलाई पक्राउ गरिएको हो।
प्रहरीले घटनामा संलग्न अन्य व्यक्तिहरूको खोजी तीव्र बनाएको जनाएको छ।
