काठमाडौँ । असोज २२, सिद्धार्थ बैंक लिमिटेडले गत आर्थिक वर्षको नाफाबाट आफ्ना शेयरधनीहरूलाई कुल १०.५३ प्रतिशत लाभांश वितरण गर्ने घोषणा गरेको छ।
.gif)
बैंकको सञ्चालक समितिको असोज २१ गते बसेको बैठकले सो निर्णय गरेको हो। बैंकले प्रस्तावित लाभांश मध्ये ५ प्रतिशत बोनस शेयर र ५.५३ प्रतिशत नगद लाभांश (कर प्रयोजन सहित) रहने जानकारी दिएको छ।
बैंकका अनुसार, प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारण सभाबाट पारित भएपछि मात्र शेयरधनीहरूलाई वितरण गरिनेछ।
सिद्धार्थ बैंक विगत केही वर्षदेखि निरन्तर रूपमा शेयरधनीहरूलाई आकर्षक लाभांश दिँदै आएको छ। यस निर्णयले लगानीकर्तामा सकारात्मक सन्देश जाने विश्वास गरिएको छ।
