काठमाडौँ । असोज १९, दसैँको अवसरमा केही दिन स्थगित रहेको सुनचाँदीको मूल्य निर्धारण आइतबार देखि पुनः सुचारु भएको छ। असोज १२ यता पहिलोपटक निर्धारण गरिएको मूल्यमा सुनको भाउमा उल्लेख्य वृद्धि भएको छ।
.gif)
नेपाल सुनचाँदी व्यवसायी महासंघका अनुसार आइतबार (असोज १९) का लागि छापावाला सुनको मूल्य तोलामा २ लाख ३० हजार ६०० रुपैयाँ कायम गरिएको छ। यसअघि असोज १२ गते सुनको मूल्य २ लाख २३ हजार २०० रुपैयाँ थियो। यस हिसाबले सुनको भाउ तोलामा ७ हजार ४०० रुपैयाँ ले बढेको हो।
त्यस्तै, चाँदीको मूल्य पनि वृद्धि भएको छ। असोज १२ मा तोलामा २ हजार ८१० रुपैयाँ रहेको चाँदीको मूल्य आइतबार २ हजार ९३० रुपैयाँ पुगेको छ।
महासंघका अनुसार हाल कायम भएको सुन र चाँदी दुवैको मूल्य अहिलेसम्मकै सर्वाधिक उच्च हो।
