काठमाडौँ । असोज ११, यस साता नेपाल स्टक एक्सचेन्ज (नेप्से) परिसूचकमा उल्लेख्य सुधार देखिएको छ। गत साता २५११.९१ विन्दुमा बन्द भएको नेप्से यो साता १४०.०९ अंकले वृद्धि भई २६५२ विन्दुमा पुगेको हो।
.gif)
साताको अवधिमा चार दिन मात्र कारोबार भयो। दोस्रो दिन घटस्थापनाका कारण बजार बन्द थियो। बाँकी चार दिन मध्ये आइतबार र मंगलबार बजारमा तीव्र वृद्धि देखिएको थियो भने बुधबार र बिहीबार भने नेप्से केही ओरालो लागेको देखिन्छ।
आइतबारः नेप्से १११.७० अंकले वृद्धि, कारोबार ९ अर्ब १७ करोड
मंगलबारः नेप्से ५८.६३ अंकले वृद्धि, कारोबार ५ अर्ब २९ करोड
बुधबारः नेप्से २७.८९ अंकले घट्यो, कारोबार ४ अर्ब १२ करोड
बिहीबारः नेप्से २.३५ अंकले घट्यो, कारोबार ३ अर्ब २६ करोड
सप्ताह भर कुल कारोबार रकम करिब २९ अर्ब ८४ करोड रुपैयाँ पुगेको छ। यस साता औसत कारोबार करिब ५ अर्ब ४६ करोड रुपैयाँको रहेको थियो।
बजारमा कारोबार भएका कम्पनीहरूको संख्यामा पनि उल्लेख्य संलग्नता देखिएको छ। आइतबार सबैभन्दा बढी ३२९ कम्पनीको २ करोड ३२ लाख कित्ता सेयर किनबेच भएको थियो।
लगातार दुई दिनको तीव्र उकालो पछिको सामान्य करेक्सनले बजारमा दीर्घकालीन स्थायीत्व तर्फको संकेत देखिएको विश्लेषकहरूको भनाइ छ। आगामी साता बजारले कुन दिशा समाउँछ भन्नेमा लगानीकर्ताहरूको चासो बढ्दो छ।
