काठमाडौँ । अघिल्लो सातामा आक्रमक रुपमा बढेको शेयर बजार (नेप्से परिसूचक) यो सातामा भने सुस्ताएको छ ।
.gif)
आक्रमक रुपमा अघि बढेको बजार लगानीकर्ताहरु हाल पर्ख र हेरको अबस्थामा पुगेको देखिन्छ । यो साता चार दिनमात्र कारोबार हुन सक्यो । गत सोमबार सार्वजनिक बिदा परेकाले चार दिन बजार कारोबार भएको थियो ।
नेप्से परिसूचक २२४.८९ अंक (७.५६ प्रतिशत) घटेर २ हजार ७४९.५७ मा बन्द भयो । अघिल्लो हप्ताको तुलनामा ०.८८ प्रतिशतले घटेर गत साता परिसूचक २ हजार ९७४.४६ मा बन्द भएको थियो ।
यो साता परिसूचक २ हजार ९९० दशमलव ०४ अंकको उच्च र २ हजार ७२७ दशमलव ५७ बिन्दुमा पुगेपछि २६२ दशमलव ४७ अंकको अस्थिरता देखिएको छ । अघिल्लो साता परिसूचकले १०४.५४ अंकको अस्थिरता देखाएको थियो ।
अघिल्लो सातासम्म आक्रमक अंकले नेप्से सूचक ३ हजार विन्दु छेड्ने प्रयास यो सातामा आइपुग्दा लगानीकर्ताहरु नाफा बुक गर्न थालेको लगानीकर्ताहरु बताउँछन् ।
घट्यो कारोबार
यो साता कारोबार रकम अघिल्लो साताको तुलनामा निकै घटेको छ । यो साता ६४ अर्ब ३६ करोड रुपैयाँको कारोबार भएको छ भने अघिल्लो साता ६६ अर्ब ९० करोड रुपैयाँको कारोबार भएको थियो ।
औसत कारोबार २७ प्रतिशतले घटेको छ । यो साता १६ अर्ब माथिको कारोबार भएको थियो भने अघिल्लो साता २२ अर्ब माथिको औसत कारोबार भएको थियो ।
त्यस्तै बजार पुँजीकरण ७ प्रतिशतले घटेको छ । यो साता ४३ खर्ब ६६ अर्बमा आइपुगेको छ । अघिल्लो साता ४७ खर्ब २४ अर्ब रुपैयाँको कारोबार भएको थियो ।
