काठमाडौँ । भदौ २६, पूर्वप्रधानमन्त्री झलनाथ खनालकी पत्नी रविलक्ष्मी चित्रकारको स्वास्थ्यमा सुधार हुँदै गएको छ। कीर्तिपुरस्थित कीर्तिपुर बर्न अस्पतालमा उपचाररत चित्रकारको स्वास्थ्यमा क्रमशः सुधार देखिएको खनालका स्वकीय सचिव कृष्ण भट्टराईले जानकारी दिएका छन्।
.gif)
चित्रकार अहिले सघन उपचार कक्ष (आइसियु) मा उपचाररत छिन्। उपचारमा संलग्न चिकित्सक डा.निजिना ताम्राकारका अनुसार चित्रकारको फोक्सोमा धुवाँ भरिएको छ, जसले स्वास्थ्यलाई जटिल बनाएको हो। “अवस्था अलि गम्भीर छ, तर स्वास्थ्यमा सुधार भइरहेको छ,” डा.ताम्राकारले बताइन्।
चित्रकारको उपचारमा डा.ताम्राकार सहित सर्जनहरूको एक समूह संलग्न छ।
मंगलबार डल्लुस्थित पूर्वप्रधानमन्त्री खनालको निवासमा भएको प्रदर्शनका क्रममा प्रदर्शनकारीले आगजनी गरेका थिए। आगलागी पछि घरबाट निस्कने क्रममा रविलक्ष्मी चित्रकार घाइते भएकी थिइन्।
