काठमाडौँ । भदौ २५, काठमाडौँको बानेश्वरस्थित राष्ट्रिय वाणिज्य बैंकमा मंगलबार राति भएको लुटपाटमा संलग्न पाँच जनालाई नेपाली सेनाले पक्राउ गरेको छ।
.gif)
सेनाले दिएको जानकारी अनुसार पछिल्लो परिस्थितिको अनुचित फाइदा उठाउँदै बैंक लुटपाटको प्रयासमा संलग्न उनीहरूलाई विशेष निगरानीपछि नियन्त्रणमा लिइएको हो। पक्राउ परेका व्यक्तिहरूको नाम र थप विवरण सार्वजनिक गरिएको छैन।
सुरक्षा स्रोतका अनुसार उनीहरू राष्ट्रको अस्थिर परिस्थितिको मौका छोपेर संगठित रूपमा बैंक लुटपाटमा संलग्न भएका थिए। घटनाको थप अनुसन्धान भइरहेको र संलग्नहरूमाथि कानुनी प्रक्रिया अघि बढाइने बताइएको छ।
अहिलेसम्म बैंकबाट कति रकम लुटिएको वा क्षति पुगेको विवरण सार्वजनिक गरिएको छैन।
