काठमाडौँ । भदौ ५, स्थानीय बजारमा बिहीबार सुन र चाँदीको मूल्यमा सामान्य वृद्धि देखिएको छ। नेपाल सुनचाँदी व्यवसायी महासङ्घका अनुसार आज छापावाला सुनको मूल्य तोलामा रु १,९४,८०० पुगेको छ, जुन हिजोको तुलनामा रु १,३०० ले बढी हो।
.gif)
बुधबार तोलाको मूल्य रु १,९३,५०० मा कारोबार भएको थियो। चाँदीको मूल्य पनि केही बढेर तोलाको रु २,२९० पुगेको छ, जुन हिजोको तुलनामा रु ३५ ले बढी हो।
महासङ्घले बजार मूल्य अन्तर्राष्ट्रिय बजारको चाल, डलरको विनिमय दर, माग र आपूर्तिलगायतका आधारमा निर्धारण गर्ने गर्छ।
यसैबीच, अन्तर्राष्ट्रिय सञ्चारमाध्यमका अनुसार आज प्रति औँस सुनको मूल्य ३,३३८ अमेरिकी डलरमा कारोबार भइरहेको छ, जसको असर स्थानीय बजारमा पनि देखिएको हो।
