काठमाडौँ । बलिउड फिल्म ‘साथिया’का अभिनेता दीपराज राणाले नेपाली फिल्म ‘सुख दुःख’मा अभिनय गर्ने भएका छन् । फिल्मकी निर्देशक निता ढुङ्गाना अधिकारीले उनलाई फिल्मको लागि अनुबन्धित गरेकी हुन् ।
.gif)
सिंघम रिटन्र्स, प्रेम रतन धन पायो, दबंङ ३ लगायत पछिल्लो समय मेट्रो इन डिनो, बिल्ली उस्ताद, सितारे जमीं पर जस्ता फिल्ममा अभिनय गरेका दीपराजले नेपाली फिल्म कोहिनूरमा समेत अभिनय गरेका थिए । स्व. श्रीकृष्ण श्रेष्ठको उक्त फिल्ममा अभिनय गरेको लामो समयपछि उनी पुनः नेपाली फिल्ममा देखिन लागेका हुन् ।निता यसै फिल्मबाट निर्देशक बन्न लागेकी हुन् । आगामी फागुनदेखि छायाङ्कन सुरु गर्ने तयारीमा रहेको यस फिल्मका लागि निर्माण टिमले हालै बिपना थापालाई पनि अनुबन्ध गरेको थियो ।
फिल्ममा दीपराज, बिपना बाहेक मिथिला शर्मा र मदनकृष्ण श्रेष्ठ अनुबन्ध भइसकेका छन् । फिल्मको छायाङ्कनका लागि चर्चित भारतीय छायाकार कवीरलाल र शाहिदलाललाई अनुबन्ध गरिएको छ ।
