काठमाडौं । स्थानीय बजारमा आलुको भाउ बढेको छ । कालीमाटी फलफूल तथा तरकारी बजार विकास समितिको तथ्यांकले बुधबार आलुको भाउ बढेको देखाएको हो ।बजारमा रातो र सेतो गरी दुई प्रकारका आलु किन्न पाइन्छ । त्यसमध्ये रातो आलु भारतीय पनि बजारमा आउँछ ।
.gif)
आज बुधबार कालीमाटी बजारमा रातो आलु प्रतिकिलो थोकमा न्यूनतम ४६ देखि अधिकतम ४९ रुपैयाँमा किनबेच भइरहेको छ ।यस्तै रातो आलु भारतीयको प्रतिकिलो थोक मूल्य न्यूनतम ३६ देखि अधिकतम ३८ रुपैयाँ कायम छ । आलु रातो मुडेको प्रतिकिलो न्यूनतम ४३ देखि अधिकतम ४५ रुपैयाँ र सेतो आलु न्यूनतम ३७ देखि अधिकतम ३९ रुपैयाँमा किनबेच भइरहेको छ ।हिजो मंगलबार आलु रातो प्रतिकिलो ४४ देखि ४७, आलु रातो भारतीय ३५ देखि ३८ र आलु रातो मुडेको ४२ देखि ४५ र सेतो आलु ३४ देखि ३६ रुपैयाँमा किनबेच भएको थियो ।
यस्तै २१ असारमा आलु रातो प्रतिकिलो ४२ देखि ४५, आलु रातो भारतीय ३६ देखि ४० र आलु रातो मुडेको ३६ देखि ३८ रुपैयाँमा कारोबार भएको थियो ।
