काठमाडौँ, साउन १९–राष्ट्रिय परीक्षा बोर्डले सोमबार साँझ कक्षा १२ को परीक्षा नतिजा सार्वजनिक गरेको छ। सार्वजनिक नतिजा अनुसार ६१.१७ प्रतिशत विद्यार्थी परीक्षा उत्तीर्ण भएका छन्।
.gif)
बोर्डका अनुसार कुल परीक्षार्थीमध्ये ३८.८३ प्रतिशत विद्यार्थीले एनजी (नन ग्रेड) प्राप्त गरेका छन्। यस अर्थमा ती विद्यार्थीहरू अनुत्तीर्ण भएका हुन्।
गत वैशाख २१ गतेदेखि सञ्चालन गरिएको परीक्षा देशभरबाट पाँच हजार २०२ विद्यालयका विद्यार्थीहरूले दिएका थिए। नियमिततर्फ एक लाख ९८ हजार ८७५ छात्र र एक लाख ९७ हजार १३ छात्रा गरी कुल तीन लाख ९५ हजार ९०८ विद्यार्थी सहभागी भएका थिए।
त्यस्तै, आंशिकतर्फका परीक्षार्थी संख्या एक लाख १५ हजार ६१७ रहेको बोर्डले जनाएको छ। यसअनुसार कक्षा १२ को परीक्षामा कुल पाँच लाख ११ हजार ५२५ जना विद्यार्थी सहभागी भएका थिए।
राष्ट्रिय परीक्षा बोर्डले सबै विद्यार्थीहरूलाई आफ्नो नतिजा वेबसाइट, एसएमएस तथा मोबाइल एपमार्फत हेर्न सकिने व्यवस्था गरेको छ।
