आगामी आर्थिक वर्षको पहिलो महिना साउनका लागि एनआइसी एशिया बैंकले ब्याजदर घटाएको छ । बैंकले सार्वजनिक गरेको नयाँ ब्याजदर अनुसार व्यक्तिगत र संस्थागत मुद्दति दुवैको ब्याजदर असारको भन्दा घटेको हो ।
.gif)
साउन महिनाका लागि बैंकले व्यक्तिगत मुद्दतिका लागि ६.२५ प्रतिशत ब्याजदर निर्धारण गरेको छ । असार महिनामा यो बैंकको यस्तो मुद्दति खाताको ब्याजदर ६.५५ प्रतिशत रहेको थियो ।
त्यस्तै बैंकले संस्थागत मुद्दतिमाको ब्याजदर पनि घटाएको छ । बैंकले साउन महिनाका लागि संस्थागत मुद्दतिमा ५.२५ प्रतिशत ब्याजदर निर्धारण गरेको छ । असार महिनामा यस्तो मुद्दतिको ब्याजदर ५.५५ प्रतिशत रहेको थियो ।
