त्रि वि शिक्षण अस्पताललाई ९ करोड लागतको भवन हस्तान्तरणःभाटभटेनी सुपरमार्केट्स
काठमाडौँः भाटभटेनी सुपरमार्केट्सले आफ्ना संस्थापक स्वर्गीय वृषबहादुर गुरुङ र स्वर्गीय धनमाया गुरुङको सम्झनामा त्रिभुवन विश्वविद्यालय शिक्षण अस्पताल (त्रिवि शिक्षण अस्पताल) महाराजगञ्जमा निर्माण गरेको ९ करोड लागतको भवन हस्तान्तरण गर्ने भएको छ।
.gif)
यस अवसरमा ‘भाटभटेनी परिवार’ ले सांस्कृतिक विविधता झल्काउने विभिन्न भेषभूषा सहित पैदल यात्रा गर्ने कार्यक्रम तय गरेको छ।
यात्रा भाटभटेनी सुपरमार्केट्स टंगालबाट असार ३० गते बिहान ९ बजे सुरु भइ त्रिवि शिक्षण अस्पताल सम्म पुग्नेछ।
भवन हस्तान्तरण समारोह असार ३० गते बिहान १०ः०० बजे त्रिवि शिक्षण अस्पताल महाराजगञ्जमा हुनेछ।
उक्त समारोहमा प्रधानमन्त्री केपी शर्मा ओलीको प्रमुख आतिथ्यता रहने भाटभटेनीका अध्यक्ष मीनबहादुर गुरुङद्वारा जारी सूचनामा उल्लेख छ।
