काठमाडौँः खानी खोला हाइड्रोपावर कम्पनी लिमिटेडले हकप्रद सेयर निष्कासनका लागि बुक क्लोज मिति घोषणा गरेको छ । कम्पनीले निकट भविष्यमा निष्कासन गर्न लागेको शतप्रतिशत हकप्रद सेयरका लागि यही असार २७ गते बुक क्लोज गर्ने निर्णय गरेको हो ।
बुक क्लोजको आधारमा असार २६ गते बिहीबार सम्म सेयर खरीद गरेका सेयरधनीहरूले मात्रै यो हकप्रद सेयरमा आवेदन दिन पाउनेछन् । कम्पनीले आफ्नो चुक्ता पुँजी ४६ करोड ५७ लाख १४ हजार ३०० रुपैयाँ बराबरको हकप्रद सेयर प्रतिकित्ता १०० रुपैयाँ अंकित मूल्यका दरले निष्कासन गर्न नेपाल धितोपत्र बोर्डबाट अनुमति पाएको छ ।
.gif)
यसै अनुसार कम्पनीले अब छिट्टै ४६ लाख ५७ हजार १४३ कित्ता हकप्रद सेयर १ः१ को अनुपात अर्थात् १ कित्ता साधारण सेयर हुनेले १ कित्ता हकप्रद सेयरका लागि आवेदन दिन पाउने गरी निष्कासन गर्नेछ ।
