काठमाडौँः नेपाली बजारमा सुनको मूल्यमा सामान्य वृद्धि भएको छ । लगातार दुई दिन सम्म घटेको सुनको मूल्यमा आज तोलामा तीन सय रुपैयाँको वृद्धि आएको हो ।
.gif)
प्रतितोला ३ सय रुपैयाँको वृद्धि आएको सुनको मूल्य आज तोलामा १ लाख ९२ हजार तीन सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । अघिल्लो दिन तोलामा १ लाख ९२ हजार रुपैयाँमा कारोबार भइरहेको छ ।
यस्तैगरी आज चाँदीको मूल्य तोलामा ३५ रुपैयाँले बढेको छ । अघिल्लो दिन प्रतितोला २ हजार १४० रुपैयाँ कायम भएको चाँदीको मूल्य आज प्रतितोला २ हजार १ सय ७५ रुपैयाँ कायम भएको महासंघले जनाएको छ ।
