काठमाडौंः पछिल्लो समय बैंकिङ प्रणालीको निक्षेपमा एकै दिनमै ५ अर्ब रुपैयाँको गिरावट आएको छ। नेपाल राष्ट्र बैंकको जेठ २८ र २९ गतेको तथ्यांक अनुसार बैंकिङ प्रणालीमा संकलित निक्षेपमा उल्लेखनीय गिरावट देखिएको हो।
.gif)
जेठ २८ गते बैंकिङ प्रणालीमा कुल ६९ खर्ब ९६ अर्ब रुपैयाँ निक्षेप संकलन भएको थियो। तर भोलिपल्ट, जेठ २९ गते, सो निक्षेप १५ अर्ब घटेर ६९ खर्ब ८१ अर्ब रुपैयाँमा झरेको छ।
त्यसैगरी, वाणिज्य बैंकहरूले संकलन गर्ने निक्षेपमा पनि गिरावट देखिएको छ। जेठ २८ मा ६२ खर्ब ४९ अर्ब रुपैयाँ संकलन गरिएको थियो भने जेठ २९ मा यो रकम ६ अर्ब घटेर ६२ खर्ब ४३ अर्बमा झरेको छ।
यद्यपि, सो अवधिमा कर्जा प्रवाह भने स्थिर रहेको छ। राष्ट्र बैंकका अनुसार जेठ २८ र २९ दुबै दिन बैंकिङ प्रणालीबाट ५५ खर्ब ५९ अर्ब रुपैयाँ बराबरको कर्जा प्रवाह भएको छ।
वाणिज्य बैंकहरूले पनि दुवै दिन ४९ खर्ब ४० अर्ब रुपैयाँ बराबरको कर्जा प्रवाह कायम राखेका छन्। सो समयमा अन्तर बैंक ब्याजदर ३ प्रतिशत र सिडी रेसियो ७८.५१ प्रतिशत रहेको छ ।
