काठमाडौंः यस साता हाइड्रोपावर उपसमूहको परिसूचक ०.६१ प्रतिशत बढेको छ। गत साता ३४५०.०६ विन्दुमा रहेको सो उपसमूहको परिसूचक यस साता २१ अंक बढेर ३४७१.०६ विन्दुमा पुगेको छ।
.gif)
सोही उपसमूह मध्येको एक कम्पनीको हो, बुटवल पावर कम्पनी लिमिटेड (BPCL)।
यस साता कम्पनीको शेयर मूल्यले पछिल्लो ५२ हप्ताको नयाँ हाइ बनाएको छ। साताको अन्तिम कारोबार दिन इन्ट्रा डेमा कम्पनीको शेयरमूल्य ५७८ रुपैयाँसम्म पुगेको थियो। जुन पछिल्लो ५२ हप्ताको उच्च हो। साप्ताहिक रुपमा भने यस साता कम्पनीको शेयरमूल्य १०४ रुपैयाँ १२ पैसा बढेको छ। गत साताको अन्तिम कारोबार दिन ४५८ रुपैयाँ ४९ पैसा रहेको कम्पनीको अन्तिम मूल्य, यस साताको अन्तिम कारोबार दिन ५६२ रुपैयाँ ४९ पैसा कायम भएको छ।
