काठमाडौं । चैत महिना लागेयता लगातार ओरालो लागेको शेयर बजार चौथो कारोबार दिन पनि घटेको छ । यो साता आइतबार २१.६३, सोमबार १०.१४ र मंगलबार ७.६६ अंकले घटेको बजार बुधबार पनि ओरालो लागेको छ।
.gif)
बुधबार नेप्से १४.८८ अंकले घटेर बजार २६८२.१५ बिन्दुमा झरेको छ । ५ अर्ब १४ करोड ३९ लाख रुपैयाँको कारोबार भएको बजारमा ५३ कम्पनीको मात्र शेयर मूल्य बढेको छ । १८३ कम्पनीको शेयर मूल्य घटेको छ भने ७ कम्पनीको मूल्यमा परिवर्तन भएको छैन। यस दिन ३ सय ११ कम्पनीको ९५ लाख ८३ हजारभन्दा बढी कित्ता शेयर कारोबार भएको छ ।
