काठमाडौं । आइपीओ निष्कासनका लागि नेपाल धितोपत्र बोर्डबाट अनुमति पर्खिरहेको डिस मिडिया नेटवर्क (डिसहोम) को वार्षिक आम्दानी बढ्दो छ । कम्पनीको अपरिस्कृत वित्तीय विवरणअनुसार डिसहोमले आर्थिक वर्ष २०२४ मा५ अर्ब १७ करोड ४० लाख रुपैयाँ बराबरको आम्दानी गरेको छ ।
.gif)
यो सन् २०२३ को भन्दा १.१३ प्रतिशत धेरै हो । सन् २०२३ मा यस कम्पनीले ५ अर्ब ११ करोड ६० लाख र सन् २०२२ मा ४ अर्ब ८३ करोड ९० लाख रुपैयाँ आम्दानी गरेको थियो । सन् २०१०मा डाइरेक्ट टू होम (डीटीएच) सेवा प्रदायक स्याट्यालाइट च्यानल र डिस मिडिया नेटवर्क मर्ज भई डिस मिडिया नेटवर्क बनेको हो । र, सन् २०१७ जुलाई २ मा पब्लिक कम्पनीमा परिणत भएको हो ।
डिसहोमले १० अर्ब रुपैयाँ बराबरको कर्जाको लागि केयर रेटिङ नेपालमा रेटिङ गराएको छ । कर्जाको लागि केयर रेटिङले क्रमशः 'केयर एनपी डबल बी प्लस' र 'केयर एनपी एफोर प्लस' रेटि दिएको छ । कम्पनीले १०० रुपैयाँ अंकित दरमा १ करोड ३५ लाख ८४ हजार ९५५ कित्ता सेयर आइपीओ निष्काशन गर्दै छ । जसको लागि नेपाल धितोपत्र बोर्डको अनुमति पर्खिरहेको छ ।
