काठमाडौं । नेपालका १४ वटा निर्जीवन बीमा कम्पनीहरूले चालु आर्थिक वर्षको दोस्रो त्रैमाससम्मको अवधिमा २० अर्ब ८८ करोड ३५ लाख रुपैयाँ बराबरको बीमा शुल्क आर्जन गरेका छन्।
.gif)
नेपाल बीमा प्राधिकरणले आज सार्वजनिक गरेको विवरण अनुसार, यी कम्पनीहरूले ६ महिनाको अवधिमा उक्त बीमा शुल्क आर्जन गरेका हुन्। यस अवधिमा सबैभन्दा बढी शिखर इन्स्योरेन्सको व्यवसाय रहेको छ । कम्पनीले ६ महिनामा दुई अर्ब ५९ करोड रुपैयाँको कुल बीमा शुल्क आर्जन गरेको छ। सगरमाथा लुम्बिनी इन्स्योरेन्सले दोस्रो स्थानमा आफूलाई सुरक्षित राख्दै दुई अर्ब ५५ करोड रुपैयाँको व्यवसाय आर्जन गरेको छ।
त्यस्तै, सिद्धार्थ प्रिमियर इन्स्योरेन्सले दुई अर्ब १३ करोड रुपैयाँको बीमा शुल्क आर्जन गरेको छ भने आईजिआई प्रुडेन्सियल इन्स्योरेन्सले एक अर्ब ७३ करोड रुपैयाँ र हिमालयन एभरेष्ट इन्स्योरेन्सले एक अर्ब ७१ करोड रुपैयाँको व्यवसाय गरेका छन्।
त्यसैगरी, नेको इन्स्योरेन्सले १ अर्ब ६६ करोड रुपैयाँ ,एनएलजी इन्स्योरेन्सले १ अर्ब ४० करोड रुपैयाँ, ओरिएन्टल इन्स्योरेन्सले १ अर्ब ३४ करोड रुपैयाँ, यूनाइटेड अजोड इन्स्योरेन्सले १ अर्ब २० करोड रुपैयाँ, सानिमा जिआईसी इन्स्योरेन्सले १ अर्ब १९ करोड रुपैयाँ र नेपाल इन्स्योरेन्सले १ अर्ब ९ करोड रुपैयाँको व्यवसाय गरेका छन्।
