काठमाडौं। भारत सरकारको आर्थिक सहयोगमा निर्माण भएको काठमाडौंस्थित सुष्मा कोइराला मेमोरियल नर्सिङ क्याम्पसको क्याम्पस तथा छात्रावास भवन औपचारिक रूपमा हस्तान्तरण गरिएको छ ।
.gif)
नेरु. २.९२४ करोडको लागतमा सम्पन्न भएको यो परियोजना ‘नेपाल–भारत विकास सहकार्य’ अन्तर्गत उच्च प्रभाव सामुदायिक विकास परियोजनाको रूपमा अघि बढाइएको थियो ।
क्याम्पस भवनको हस्तान्तरण समारोहमा जिल्ला समन्वय समिति, काठमाडौंका प्रमुख सन्तोष बुढाथोकी र भारतीय राजदूतावास, काठमाडौंका प्रथम सचिव अविनाश कुमार सिंहले क्याम्पस व्यवस्थापन समितिलाई संयुक्त रूपमा हस्तान्तरण गरे ।
कार्यक्रममा राजनीतिक दलका प्रतिनिधि, सरकारी अधिकारी तथा समाजसेवीहरूको पनि उपस्थिति थियो ।
निर्माण र योगदान, भारत सरकारको अनुदान सहयोगमा दुई तले छात्रावास भवन, अन्य सहायक संरचना, र दुई तले कक्षा कोठा भवन निर्माण गरिएको हो ।
परियोजनाको कार्यान्वयन जिल्ला समन्वय समिति, काठमाडौंको मार्फत गरिएको थियो । सुष्मा कोइराला मेमोरियल नर्सिङ क्याम्पसका अध्यक्षले भारत सरकारले नेपाली जनताको उत्थानका लागि पुर्याउँदै आएको योगदानको प्रशंसा गरे ।
नवनिर्मित संरचनाले नर्सिङ क्याम्पसका विद्यार्थीहरूलाई व्यावसायिक शिक्षा र दक्षता विकास गर्न मद्दत पुर्याउनेछ । यसले विद्यार्थीहरूका लागि सिकाइको उत्कृष्ट वातावरण सिर्जना गर्दै क्षेत्रीय शैक्षिक विकासमा महत्वपूर्ण योगदान पुर्याउने अपेक्षा गरिएको छ ।
क्याम्पसको पृष्ठभूमि सन् २००० मा स्थापना भएको सुष्मा कोइराला मेमोरियल नर्सिङ क्याम्पसले प्राविधिक शिक्षा तथा व्यावसायिक तालिम परिषद् ९ऋत्भ्ख्त्० बाट सम्बन्धन प्राप्त गरेको छ । क्याम्पसले तीन वर्षे प्रोफिसियन्सी सर्टिफिकेट लेभल कोर्स (एऋी) सञ्चालन गर्दै हरेक वर्ष १२० प्रशिक्षित नर्स उत्पादन गरिरहेको छ ।
नेपाल–भारत सहकार्यको प्रतिबिम्ब नेपाल र भारतबीचको सम्बन्धलाई थप प्रगाढ बनाउने लक्ष्यका साथ, भारत सरकारले नेपाली जनताको प्राथमिकतामा आधारित पूर्वाधार परियोजनाहरूमा सहयोग पुर्याउँदै आएको छ । यी परियोजनाहरूले नेपालको समग्र विकास र जनताको समृद्धिका लागि थप सहयोग पुग्ने विश्वास व्यक्त गरिएको छ ।
कार्यक्रमका सहभागीहरूले यस परियोजनाले शिक्षा र प्राविधिक क्षेत्रमा सकारात्मक प्रभाव पार्नेमा आशा व्यक्त गर्दै भारत–नेपाल विकास सहकार्यको प्रशंसा गरे ।
