काठमाडौं । युनिलिभर नेपाल लिमिटेडले पाँच वर्ष पुरानो लाभांश बुझ्न युनिलिभर नेपाल लिमिटेडले आग्रह गरेको छ । कम्पनीले बुधवार सूचना जारी गर्दै ३१औं साधारण सभाबाट लाभांश पारित भए बमोजिम आर्थिक वर्ष २०८०।८१ को पाँच वर्षभन्दा पुरानो लाभांश बुझ्न आग्रह गरेको हो ।
.gif)
एक महिना भित्र सम्बन्धित शेयरधनीहरुले आफ्नो शेयर प्रमाणपत्रका साथ कुनै परिचयपत्र लिई कम्पनीको शेयर रजिष्ट्रारको कार्यालय लक्ष्मी सन्राइज क्यापिटल लिमिटेडको कार्यालय कमलपोखरी, काठमाडौंमा सम्पर्क राख्न कम्पनीले आग्रह गरेको हो । तोकिएको अवधि भित्र लाभांश बुझ्न नआए लगानीकर्ता संरक्षण कोषमा जम्मा हुने जानकारी कम्पनीले दिएको छ ।
यो कम्पनी नेपालमा सूचीकृत कम्पनीमध्ये सर्वाधिक लाभांश वितरण गर्ने कम्पनीको रुपमा परिचित छ । गत वर्षको मुनाफाबाट कम्पनीले १ हजार ७१४ प्रतिशत नगद लाभांश वितरण गरेको छ । गत वर्ष हाल सम्मकै सर्वाधिक लाभांश कम्पनीले वितरण गरेको हो ।
