काठमाडौं । चाडपर्वको समयमा मादक पदार्थ सेवन गरी सवारी साधन चलाउने प्रवृत्तिलाई नियन्त्रण गर्ने उद्देश्यले गरिएको चेकजाँचका क्रममा एकै दिन १०० जना सवारी चालक कारबाहीमा परेका छन्।
.gif)
मिति २०८३ साल असोज ३० गते गरिएको मापसे चेकजाँचका क्रममा मादक पदार्थ सेवन गरी सवारी साधन चलाएको कसुरमा १०० जना चालकलाई कारबाही गरिएको हो।
चाडपर्वका बेला मादक पदार्थ सेवन गरी सवारी चलाउने गरेको व्यापक जनगुनासो आएपछि चेकजाँचलाई तीव्रता दिइएको सम्बन्धित निकायले जनाएको छ।
सवारी दुर्घटना न्यूनीकरण तथा सडक सुरक्षालाई प्रभावकारी बनाउन मादक पदार्थ सेवन गरी सवारी नचलाउन र आफू तथा अरूको जीवन सुरक्षित राख्न सबै सवारी चालकलाई आग्रह गरिएको छ।
