गोरखा । बडादसैँको सातौँ दिन शनिबार गोरखा दरबारको दसैँघरबाट फूलपातीसहितको डोली काठमाडौँस्थित हनुमानढोका दरबारमा पठाइएको छ।
.gif)
गोरखा दरबारका नायब सुब्बा हरि सारूका अनुसार शुभसाइतमा बिहान ९ बजे विधिपूर्वक पूजाअर्चना गरी बाजागाजासहित डोली बिदाइ गरिएको हो।
गोरखा दरबारका सुसारेहरूले बोकेर ल्याएको फूलपातीसहितको डोली सरकारी गाडीमार्फत काठमाडौँ पठाइएको उनले जानकारी दिए।
गोरखा दरबारबाट हनुमानढोका दरबारमा फूलपाती पठाउने परम्पराले ऐतिहासिक तथा सांस्कृतिक महत्त्व बोकेको छ। बडादसैँको अवसरमा मनाइने यस परम्पराले गोरखा र काठमाडौँबीचको ऐतिहासिक सम्बन्धलाई समेत स्मरण गराउँछ।
