काठमाडौं, असोज २८ । नेपाली बजारमा बुधबार सुन र चाँदी दुवैको मूल्य घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार ७०० रुपैयाँले घटेको छ भने चाँदीको मूल्य प्रतितोला १०० रुपैयाँले घटेको हो।
.gif)
महासंघका अनुसार बुधबार सुन प्रतितोला २ लाख ८९ हजार ५०० रुपैयाँमा कारोबार भइरहेको छ। अघिल्लो दिन मंगलबार सुन प्रतितोला २ लाख ९२ हजार २०० रुपैयाँमा खरिदबिक्री भएको थियो।
त्यस्तै, चाँदीको मूल्य पनि घटेको छ। बुधबार चाँदी प्रतितोला ४ हजार २५५ रुपैयाँमा कारोबार भइरहेको छ। मंगलबार चाँदीको मूल्य प्रतितोला ४ हजार ३५५ रुपैयाँ रहेको थियो।
एकै दिन सुन र चाँदी दुवैको मूल्य घटेसँगै नेपाली बजारमा बहुमूल्य धातुको कारोबार मूल्यमा गिरावट आएको छ। सुनचाँदी खरिदबिक्री गर्ने उपभोक्ता तथा व्यवसायीले दैनिक मूल्य परिवर्तनलाई ध्यानमा राखेर कारोबार गर्नुपर्ने हुन्छ।
