काठमाडौं । नेपाल राष्ट्र बैंकले सार्वजनिक बिदाका दिन वित्तीय कारोबारसम्बन्धी सूचना तथा विवरण आदानप्रदानलाई प्रभावकारी बनाउन बैंक तथा वित्तीय संस्थालाई सम्पर्क व्यक्ति (Focal Person) तोक्न निर्देशन दिएको छ।
.gif)
राष्ट्र बैंकको बैंक तथा वित्तीय संस्था नियमन विभागले इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्थालाई सूचना जारी गर्दै सम्बन्धित सम्पर्क व्यक्तिको विवरण उपलब्ध गराउन आग्रह गरेको हो।
राष्ट्र बैंकले विजयादशमी, दीपावली तथा छठ पर्व, २०८३ को समयमा सार्वजनिक बिदाका दिनसमेत आवश्यक समन्वय गर्नुपर्ने भएकाले यस्तो व्यवस्था गर्न लागेको जनाएको छ।
सार्वजनिक बिदामा पनि सूचना आदानप्रदानमा जोड
सूचनाअनुसार, सार्वजनिक बिदाका अवधिमा वित्तीय माध्यमसँग सम्बन्धित आर्थिक उथलपुथलका घटना, कारोबार विवरण तथा अन्य आवश्यक जानकारी उपलब्ध गराउनुपर्ने अवस्था आउन सक्ने भएकाले बैंक तथा वित्तीय संस्थाले जिम्मेवार सम्पर्क व्यक्ति तोक्नुपर्नेछ।
त्यस्ता घटनाको तत्काल जानकारी प्राप्त गर्न तथा आवश्यक समन्वय र सहजीकरण गर्न सम्पर्क व्यक्तिको व्यवस्था गर्न लागिएको राष्ट्र बैंकले जनाएको छ।
नाम, पद र मोबाइल नम्बर उपलब्ध गराउनुपर्ने ।
राष्ट्र बैंकले सम्बन्धित बैंक तथा वित्तीय संस्थालाई सम्पर्क व्यक्तिको नाम, पद र मोबाइल नम्बर उपलब्ध गराउन भनेको छ। साथै, सार्वजनिक बिदाका दिन सम्पर्क गर्न सकिने ड्युटी-अन-कॉल इमेल ठेगानासमेत उपलब्ध गराउनुपर्ने सूचनामा उल्लेख छ।
यस व्यवस्थाले सार्वजनिक बिदाका समयमा वित्तीय क्षेत्रमा देखिन सक्ने समस्या वा असामान्य घटनाबारे समयमै जानकारी प्राप्त गर्न र सम्बन्धित निकायबीच समन्वय गर्न सहयोग पुग्ने अपेक्षा गरिएको छ।
स्रोतः नेपाल राष्ट्र बैंक, बैंक तथा वित्तीय संस्था नियमन विभागद्वारा जारी सूचना।
