काठमाडौँ । बागमती प्रदेशको नीति तथा योजना आयोगको उपाध्यक्षमा देवराज रोका नियुक्त भएका छन् । काठमाडौँको पेप्सीकोलाका स्थायी बासिन्दा रोकालाई मुख्यमन्त्री किरण थापा मगरले नियुक्त गरेका हुन् ।बिहीबार बसेको मन्त्रिपरिषद् बैठकले रोकालाई उपाध्यक्ष पदमा नियुक्त गरेको हो । उनीसँगै आयोगको सदस्यमा तीन जना नियुक्त भएका छन् । आयोगको सदस्यमा सुनिता गौतम, दीपक विक्रम थापा र सुरेन्द्रवर सिंह थापा नियुक्त भएका छन् ।
.gif)
नियुक्त भएका रोका र दीपक नेकपा एमालेबाट रहेका छन् भने सुरेन्द्रवर राप्रपाबाट तथा गौतम नेकपाको सिफारिसमा नियुक्त भएका हुन् ।नवनियुक्त उपाध्यक्ष रोका र सदस्यद्वयले पद तथा गोपनीयताको शपथसमेत गरेका छन् । आयोगमा नियुक्त भएकी एक सदस्यको भने शपथ केही समयपछि हुने जनाइएको छ ।
