काठमाडौं। एसियन गेम्स अन्तर्गत पुरुष टी–२० क्रिकेट प्रतियोगितामा नेपाले विजयी सुरुवात गरेको छ । आज भएको खेलमा नेपालले अफगानस्थान ए लाई ५ विकेटले पराजित गर्दै विजयी सुरुवात गरेको हो । जितका लागि पाएको १०३ रनको लक्ष्य नेपालले १७.२ ओभरमा ५ विकेट गुमाएर पुरा गरेको हो । नेपालका लागि सन्दीप जोराले ३४ रनको पारी खेले । त्यस्तै रोहीत पौडेले अविजित ३३ रनको पारी खेले भने कप्तान दीपेन्द्र सिंह ऐरिले पनि १५ रनको पारी खेले ।
.gif)
यस अघि नेपाली बलरहरूले उत्कृष्ट प्रदर्शन गरे पछि अफगानस्थान १०२ रनमै रोकेको थियो । नेपाली स्पिनरहरूको उत्कृष्ट बलिङ सामु अफगानिस्तानको ब्याटिङ लाइनअप धराशायी बनेको थियो । अफगानस्थानका लागि फैसल खान अहमदजाइ र नाजिबुल्लाह जाद्रनले ३०–३० रन जोड्दा नान्गेलिया खान १७ रनमा अविजित रहे । नेपालका लागि कुशल भुर्तेलले सर्वाधिक ४ विकेट लिए । त्यसैगरी ललित राजवंशीले कसिलो बलिङ गर्दै ३ विकेट लिए ।
