काठमाडौँ । प्रधानमन्त्री बालेन्द्र शाहलाई सामाजिक सञ्जाल फेसबुकमा अश्लील गाली गरेको आरोपमा प्रहरीले एक जना युवकलाई पक्राउ गरेको छ । पक्राउ पर्नेमा झापाको भद्रपुर–९ घर भएका २३ वर्षीय पुष्कर दाहाल छन् ।उपत्यका अपराध अनुसन्धान कार्यालयबाट खटिएको टोलीले उनलाई कीर्तिपुरबाट पक्राउ गरेको हो । उनी कीर्तिपुर बस्दै आएका थिए । आरोपीले प्रधानमन्त्री बालेन्द्र शाहलाई सामाजिक सञ्जालमा अश्लील गाली गरेका थिए ।
.gif)
उनले नेपाल प्रहरीसँग पनि ‘एक्लै भिड्ने’ अभिव्यक्ति दिएका थिए । उनलाई पक्राउ गरेर थप अनुसन्धान र कारबाहीका लागि साइबर ब्युरोमा बुझाइएको उपत्यका अपराध अनुसन्धान कार्यालयका एक जना अधिकृतले बताए ।
