काठमाडौं । पछिल्लो समय विश्वभर डिप्रेसन पीडितको संख्या बढिरहेको छ । तर दैनिक एक गिलास १०० प्रतिशत फलफूलको जुस वा स्मुदी सेवन गरेर फलफूल तथा तरकारीको मात्रा बढाउँदा डिप्रेसनको स्तर घट्न सक्ने नयाँ अध्ययनले देखाएको छ ।‘ब्रिटिस जर्नल अफ न्युट्रिसन’मा प्रकाशित बेलायतको न्युक्यासल विश्वविद्यालयका वैज्ञानिकहरूले गरेको यस अध्ययनमा सामान्यतया कम फलफूल तथा तरकारी खाने ४२ जना वयस्कलाई सहभागी गराइएको थियो । उनीहरूलाई दैनिक खाने आहारमा २० प्रतिशत फलफूल तथा तरकारी समावेश गर्न लगाइएको थियो । सहभागीमध्ये केहीलाई दैनिक एक गिलास फलफूलको जुस वा स्मुदी सेवन गर्न भनिएको थियो ।
.gif)
चार हप्तासम्म दुवै समूहले फलफूल तथा तरकारीको सेवन बढाए । तर, जुस वा स्मुदी सेवन गर्ने समूहमा डिप्रेसनको स्कोर तुलनात्मक रूपमा कम देखियो । उक्त समूहको डिप्रेसन स्कोर नियन्त्रण समूहको तुलनामा २७ अंकको मापन स्केलमा २.५२ अंक कम थियो । यो अन्तर सामान्य भए पनि तथ्यांकका आधारमा उल्लेखनीय रहेको अनुसन्धानकर्ताको भनाइ छ ।वैज्ञानिकहरूका अनुसार फलफूलको जुस र स्मुदीमा पाइने भिटामिन सी, फ्लाभोनोइड र पोलिफेनोलजस्ता तत्वले मस्तिष्कको स्वास्थ्यमा भूमिका खेल्न सक्छन् । यस्ता तत्वले शरीरमा इन्फ्लामेशन (सुन्निने) तथा अक्सिडेटिभ स्ट्रेसलाई प्रभावित पार्नुका साथै मस्तिष्कमा रक्तसञ्चारमा पनि प्रभाव पार्न सक्ने सम्भावना रहेको अनुसन्धानकर्ताहरूको भनाइ छ ।फलफूल र स्मुदीमा पाइने फाइबर तथा अन्य पोषक तत्वले आन्द्रा र मस्तिष्कबीचको सम्बन्धमार्फत मानसिक स्वास्थ्यमा प्रभाव पार्न सक्ने सम्भावनातर्फ विशेषज्ञहरूले पनि औंल्याएका छन् । यद्यपि, अध्ययनले यसको प्रत्यक्ष कारण भने प्रमाणित गरेको छैन ।र हप्ताको अध्ययन अवधिमा जुस वा स्मुदी सेवन गर्ने सहभागीहरूमा मेटाबोलिक स्वास्थ्यसँग सम्बन्धित कुनै प्रतिकूल प्रभाव देखिएन । अनुसन्धानमा सहभागीको संख्या कम भएकाले र अध्ययन छोटो अवधिको भएकाले जुस सेवनलाई डिप्रेसनको उपचारका रूपमा प्रयोग गर्नुअघि थप अनुसन्धान आवश्यक रहेको वैज्ञानिकहरूले बताएका छन् ।
