काठमाडौँ । सरकारले सञ्चालन गरेको ‘जनता आवास कार्यक्रम’अन्तर्गत हालसम्म दलित, विपन्न मुसलमान तथा सीमान्तकृत समुदायका लागि ३६ हजारभन्दा बढी सुरक्षित आवास (घर) निर्माण सम्पन्न भएको छ ।शहरी विकास तथा भवन निर्माण विभागकाअनुसार राष्ट्रिय दलित आयोगको सूचीमा सूचीकृत दलित, विपन्न मुसलमान, लोपोन्मुख तथा अति सीमान्तकृत जाति र समुदायलाई सुरक्षित आवासको व्यवस्था गर्ने उद्देश्यले यो कार्यक्रम सञ्चालन गरिएको हो ।
.gif)
कार्यक्रमअन्तर्गत कुल ५५ हजार ९७० आवास सङ्ख्या स्वीकृत भएकोमा संघीय सरकारमार्फत आर्थिक वर्ष २०७४/७५ सम्म १७ हजार ३९ वटा घर निर्माण सम्पन्न भएका थिए । जसअनुसार आर्थिक वर्ष २०७५/७६ देखि २०७९/८० सम्ममा प्रदेश सरकारहरूबाट थप १९ हजार २८६ आवासको निर्माण कार्य सम्पन्न भइसकेको थियो ।हालसम्म ३८ हजार ९३१ आवासको वित्तीय हस्तान्तरण प्रदेश तहमा गरिएको छ ।
