काठमाडौँ, १७ असार । भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले निजामती कर्मचारीको सरुवा प्रक्रिया पूर्ण रूपमा अनलाइन प्रणालीमार्फत सञ्चालन गर्ने भएको छ।
.gif)
मन्त्रालयले सार्वजनिक सूचना जारी गर्दै सरुवा प्रक्रियालाई आधुनिक, प्रविधिमैत्री, पारदर्शी र व्यवस्थित बनाउन अनलाइन सरुवा सफ्टवेयर प्रणाली सञ्चालनमा ल्याइएको जनाएको छ।
सरुवाका लागि इच्छुक कर्मचारीले अनिवार्य रूपमा उक्त प्रणालीमा आफ्नो व्यक्तिगत खाता (प्रोफाइल) सिर्जना गरी अनलाइनमार्फत मात्रै निवेदन पेस गर्नुपर्नेछ।
मन्त्रालयका अनुसार अनलाइन प्रणालीबाहेक अन्य कुनै माध्यमबाट प्राप्त हुने सरुवासम्बन्धी निवेदनमाथि कुनै कारबाही गरिने छैन। त्यसैले सम्बन्धित सबै कर्मचारीलाई अनलाइन प्रणालीमार्फत नै आवेदन दिन मन्त्रालयले अनुरोध गरेको छ।
