काठमाडौँ । रिडी पावर कम्पनी लिमिटेडले २३औं वार्षिक साधारणसभा मंसिर ७ गतेका लागि बोलाएको छ ।
.gif)
सभा गौशालास्थित होटल क्रिष्टल पशुपतिमा बिहान ११ बजे बस्नेछ । यद्यपि कम्पनीले लाभांशसम्बन्धी कुनै प्रस्ताव समावेश गरेको छैन ।
सभाले साझापावर कम्पनीको कुल प्रस्तावित पुँजीको ५५ प्रतिशतका दरले हकप्रदबाट प्राप्त रकम लगानी स्वीकृत गर्ने र सञ्चालक समितिलाई अख्तियारी दिने विशेष प्रस्ताव पारित भने गर्नेछ ।
यसका साथै गत आर्थिक वर्षको वार्षिक र लेखापरीक्षण प्रतिवेदनलगायतका अन्य वित्तीय विवरण छलफल गरी पारित गर्नेछ । साथै, चालू आवका लागि लेखापरीक्षक नियुक्त गरी निजको पारिश्रमिक निर्धारण गर्ने र ऋण अनुमोदन गर्ने प्रस्ताव पनि रहेको छ ।
सभा प्रयोजनार्थ कम्पनीले कात्तिक २९ गते १ दिन बुक क्लोज गर्ने निर्णय गरेको छ । कात्तिक २८ गतेसम्म कायम शेयरधनीले सभामा भाग पाउनेछन् ।
