काठमाडौं । नेपाल स्टक एक्सचेन्ज (नेप्से) मा सूचीकृत भएका सात वटा लघुवित्त संस्थाहरुले लाभांश घोषणा गरेका छन् । कम्पनीहरुले गत आर्थिक वर्षको वितरणयोग्य मुनाफाबाट लाभांश घोषणा गरेका हुन् ।
.gif)
लाभांश घोषणा गर्नेमा नेसनल लघुवित्त, सपोर्ट लघुवित्त,आरएसडीसी लघुवित्त,गुराँस लघुवित्त वित्तीय संस्था, स्वाबलम्बन लघुवित्त वित्तीय संस्था,आशा लघुवित्त वित्तीय संस्था र फरवार्ड लघुवित्त वित्तीय संस्था रहेका छन् ।
नेसनल लघुवित्त
नेसनल लघुवित्तले आर्थिक वर्ष २०८०/८१ को मुनाफाबाट १५ प्रतिशत लाभांश वितरण गर्ने निर्णय गरेको छ । जसमा १४.२५ प्रतिशत बोनस सेयर र कर प्रयोजनार्थ ०.७५ नगद लाभांश रहेको छ ।
सपोर्ट लघुवित्त
सपोर्ट लघुवित्त वित्तीय संस्थाले आर्थिक वर्ष २०८०/८१ का लागि सेयरधनीहरुलाई मा १३.७७५ प्रतिशत बोनस सेयर र कर प्रयोजनार्थ ०.७२५ प्रतिशत नगद गरेर कुल १४.५ प्रतिशत लाभांश वितरण गर्ने छ ।
आरएसडीसी लघुवित्त
आरएसडीसी लघुवित्त वित्तीय संस्थाले आर्थिक वर्ष २०८०/८१ का लागि १० प्रतिशत लाभांश वितरण गर्ने निर्णय गरेको छ । जसमा ९.५ प्रतिशत बोनस सेयर र कर प्रयोजनार्थ ०.५ प्रतिशत नगद लाभांश रहेको छ ।
गुराँस लघुवित्त
गुराँस लघुवित्त वित्तीय संस्थाले गत वर्षको नाफाबाट कुल १५ प्रतिशत लाभाश दिने भएको छ । जसमध्ये १५.२५ प्रतिशत बोनश शेयर वितरण गर्नेछ भने ०.७५ प्रतिशत कर प्रयोजनका लागि नगद लाभांश दिने भएको छ ।
स्वाबलम्वन लघुवित्त
स्वाबलम्वन लघुवित्त वित्तीय संस्थाले आफ्ना सेयरधनीलाइ गत वर्षको नाफाबाट जसमा १४.२५ प्रतिशत बोनश सेयर र ०.७५ प्रतिशत कर प्रयोजन गरेर कुल १५ प्रतिशत लाभांश वितरण गर्ने भएको छ ।
आशा लघुवित्त
आशा लघुवित्त वित्तीय संस्थाले कुल १५ प्रतिशत लाभांश वितरण गर्ने भएको छ । जसमध्ये १४.२५ प्रतिशत बोनश सेयर वितरण गर्नेछ भने ०.७५ प्रतिशत कर प्रयोजनका लागि नगद लाभांश वितरण गर्ने भएको छ ।
फरवार्ड माइक्रोफाइनान्स
फरवार्ड माइक्रोफाइनान्सले गत वर्षको नाफाबाट आफ्ना शेयरधनीलाई कुल १४ प्रतिशत लाभांश वितरण गर्ने निर्णय गरेको छ । जसमध्ये १३.३ प्रतिशत बोनश सेयर वितरण गर्ने भएको छ भने ०.७ प्रतिशत नगद लाभांश वितरण गर्नेछ ।
