काठमाडौँ । सांसद ज्ञानेन्द्र शाहीले विद्यालयहरूले विभिन्न बहानामा शुल्क असुलिरहेको भन्दै तत्काल रोक्न माग गरेका छन् । सोमबार संसदमा बोल्दै सांसद शाहीले सरकारले पटक पटक आदेश दिँदै शुल्क नलिन विद्यालयलाई भने पनि कार्यान्वयन नभएको बताएका हुन् ।
.gif)
सांसद शाहीले भने- ‘यहाँ शिक्षा मन्त्री हुनुहुन्छ भने भनिदिनुहोला । पहिले पहिले आउने गर्थ्यो आदेशमाथि आदेश परमादेश । भर्ना फि लिनुहुँदैन भनेर अहिलेको सरकारले पनि आदेश दियो । कसैले सहयोग रसिद, वार्षिक सहयोगका नाममा शुल्क लिइरहेका छन् । नाम चेन्ज गरेर बर्बाद पारिएको छ । तसर्थ, शुल्क नलिने निर्णय कार्यान्वयन गरियोस् ।’
