अष्ट्रेलिया । ‘फलाङ खाद्य शब्दकोश’का लागि परिचित शिव न्यौपाने ले अष्ट्रेलियाली किशोरी बियान्का एडलर को सगरमाथा आरोहणलाई महिला सशक्तिकरणको महत्वपूर्ण उदाहरणका रूपमा व्याख्या गरेका छन्।
.gif)
मेलबर्नमा बसोबास गर्दै आएका न्यौपानेले बियान्काको सफलताले अष्ट्रेलियाली युवामा मात्र नभई नेपाल जस्तो पितृसत्तात्मक समाजमा पनि गहिरो सन्देश दिएको बताएका छन्। उनका अनुसार नेपालमा शेर्पा समुदाय बाहेक अधिकांश अभिभावकले छोरीहरूलाई सगरमाथा आरोहण जस्ता जोखिमपूर्ण अभियानमा सहजै अनुमति दिने चलन छैन।
१८ वर्षीया बियान्काले सगरमाथा आरोहण गरेर महिलाहरू पनि पुरुषसरह सक्षम र साहसी हुन्छन् भन्ने सन्देश दिएको न्यौपानेले उल्लेख गरेका छन्।
उनले बियान्काको उपलब्धिले महिलाप्रति समाजको दृष्टिकोण परिवर्तन गर्न प्रेरणा मिल्ने विश्वास व्यक्त गर्दै साहसी कदमका लागि बधाई समेत दिएका छन्।
